Ommaviy axborot vositalarining Kongo Demokratik Respublikasi Mudofaa vazirligi xabariga asoslangan ma`lumotlariga ko`ra, 2017 yil 30 sentyabr kuni Kinshasa shahrida An-12 harbiy transport samolyoti halokatga uchrashi oqibatida Rossiya, Ukraina va O`zbekiston fuqarolari halok bo`ldi.
Ular Kongo Demokratik Respublikasida xususiy shartnoma asosida ishlagan.
Kongo Demokratik Respublikasida O`zbekiston fuqarosi vafot etganini tasdiqlash maqsadida O`zbekistonning Qohiradagi Elchixonasi Kongo Demokratik Respublikasi Elchixonasi bilan doimiy aloqada bo`lib turibdi.
