— So`nggi paytlarda chap qo`lim uvishib qolayapti. Bu nimadan darak beradi?
Humoyun Aliev, Toshkent viloyati
Nodira HAMROEVA, oliy toifali shifokor-terapevt:
— Agar chap qo`ldagi uvishish tez-tez sodir bo`layotgan bo`lsa, yurak faoliyatiga ahamiyat bering. Mutaxassis nazoratida yurak kardiogrammasini bajarib, bezovtaliklar bor-yo`qligini aniqlash lozim. Bordi-yu yurak tahlilida o`zgarish kuzatilmasa, osteoxondroz mavjudligiga tahmin qilinadi. Odatda umurtqa pog`onasida tuz yig`ilishi (osteoxondroz) chap qo`lda uvishish yuzaga kelishi bilan xarakterlanadi. Bezovtaliklar kuchaymasidan shifokorga murojaat eting. Agar o`z vaqtida davolanishni boshlasangiz, jiddiy muammolarni chetlab o`tishingiz mumkin.