Issiq suvga chayilgan shisha bankaga 10-12 gr. anor mevasi po`stlog`ini solib, ustidan 200 ml. qaynab turgan suv solinadi. Banka qopqog`i yopilib, 25-30 daqiqaga qoldiriladi. Damlama iets`molga yaroqli holga kelgach, avvaliga suyuqlikning yarmi ichiladi. Bordi-yu shundan so`ng ahvolingiz o`nglansa, demak sizni ichaklar faoliyatidagibuzilishlar bezovta qilgan.
Damlamaning yarmi ichilgach, chamasi 10 daqiqa o`tib o`zingizni yaxshi his qila boshlasangiz, organizmingizga dizenteriya yoki salmonellyoz xavf solganidan ogoh bo`ling. Bu paytda ko`cha-ko`yga chiqmasdan uch soatni o`tkazing-da, so`ng bankadagi suyuqlikning qolganini ham asta sipqoring.
Oshqozon va o`n ikki barmoqli ichak yarasi, kolit (yo`g`on ichak yallig`lanishi) va disbakteriozda anor po`stlog`idan tayyorlangan damlama bir hafta davomida qabul qilinadi. Muolaja kunora o`tkazilib, damlama bir kunda to`rt mahal, to`rt qismga ajratilib ichilishi lozim. Bu paytda spirtli ichimliklar ichish ma`n etiladi.
Gippokrat anor po`stlog`idan tayyorlangan damlama yordamida jangda yaralangan askarlarning jarohatlarini ham davolagan. Buning uchun toza dokani damlamada xo`llab, jarohat ustiga qo`yilgan.
Abu Ali ibn Sinoning tib qonunlari asarida ham anor po`stlog`idan tayyorlangan damalama tilga olinib, soch va tirnoqlar uchun foydali ekani, yuz terisidagi dog`larni oqartirish xususiyati e`tirof qilingan.
