AQShlik bobsleychi Jon Kuin jurnalistlar e`tiboridan chetda qolmayapti.
Olimpiadaning ilk kuni mehmonxonadagi cho`milish xonasida qulflanib qolgan sportchi endi liftda qamalib qoldi. Bu haqda sportchi o`zining tvitterdagi sahifasida xabar qoldirdi.
Hox ishoning, hox ishonmang, ammo hozir biz liftda qamalib qoldik, - deb yozadi Kuin.
Kuin bilan yana bir bobsleychi Nik Kanningem va biatlon bo`yicha AQSh terma jamoasi texnik direktori Devid Kripps ham birga edi.
Eslatib o`tamiz, bu sportchi 8 fevral kuni o`z yuvinish xonasida qamalib qolgan va chiqish uchun eshikni sindirgan.
Ta`kidlash joizki, Sochi mehmonxonalaridagi sharoitga ilk kunlardan g`arb jurnalistlari salbiy fikrlar bildira boshlashgan.