AQSh, Meksika va Kanadada bo‘lib o‘tadigan 2026 yilgi futbol bo‘yicha Jahon chempionati uchun chipta sotib olgan qariyb 17 ming nafar muxlis ularni qaytarib berishga qaror qildi. Bu haqda “Roya News” nashri xabar berdi.
Manbaga ko‘ra, mazkur holat AQShning Venesuelaga nisbatan olib borayotgan siyosatiga qarshi norozilik sifatida baholanmoqda. Shuningdek, turnirni boykot qilishga chaqiriqlar kuchaygani FIFAni favqulodda yig‘ilish o‘tkazishga majbur qilgan.
Ma’lum qilinishicha, yig‘ilishda xavfsizlik masalalari, siyosiy xavotirlar va muxlislar boykoti bilan bog‘liq muammolar muhokama qilinishi rejalashtirilgan. Ayni paytda ikkinchi bozorda Jahon chempionati o‘yinlari uchun chiptalar narxi pasayib borayotgani qayd etilmoqda.
