Microsoft kompaniyasi Apple ishlab chiqarayotgan iPad planshetlari uchun Word, Excel hamda boshqa mahsulotlar ilovasini joriy yilning birinchi yarmida taqdim etadi.
Bu haqda ZDNet nashri AQSh matbuotida Microsoft mahsulotlari bo`yicha mutaxassis hisoblangan Meri Jo Folining ma`lumotiga tayanib xabar bermoqda.
Uning so`zlariga ko`ra, Ipad uchun mo`ljallangan Office “Miramar” deb nomlanadi. Taxminlarga ko`ra, bu ilovadan foydalanish uchun “Office 365”ga obuna bo`lish shart.
O`tgan yilning yozida iPhone’lar uchun taqdim etilgan ilovadan foydalanish uchun obuna bo`lish shart edi. Microsoft bosh direktori Stiven Balmer endi kompaniya e`tiborini Windows 8 va Windows RT uchun sersorli ekranda boshqariladigan Office dasturini ishlab chiqarishga qaratishini aytib o`tdi.
