Ginnessning yana bir yangi rekordi Bolgariyaning kurort shahri — Albenada kuzatildi. Bu erda bir vaqtning o`zida 654 nafar narda o`yini ishqibozi to`planib, 60 daqiqa davomida o`zaro bellashdi. Avvalgi natija 2011 yili Izmir shahrida qayd etilgan bo`lib, o`shanda hozirgidan 22 nafar kamroq o`yinchi ishtirok etgandi. Ma`lum bo`lishicha, Albenadagi narda o`yini vaqtida eng qariya o`yinchi 88 yoshli Boris Goranov bo`lgan. Musobaqada bir qator mahalliy san`at va sport yulduzlari, shuningdek, Rossiya, Ruminiya va Germaniyadan tashrif buyurgan ko`ngillilar ham qatnashgan.