— Kunduzlari bezovtalik yo`q, ammo tunda o`ng elkam qotib qolib, og`riq beradi. O`rnimdan turib, qo`llarimni harakatga keltirmagunimcha ahvolim o`nglanishi qiyin. Nega shunday bo`ladi, siz nima deysiz? Ehtimol bu elka bo`g`imlariga tuz yig`ilishdir yoki boshqa xastalik?
Yulduz Ikromova, Surxondaryo viloyati
Nodira HAMROEVA, oliy toifali shifokor-terapevt:
— Elka mushaklarining qotib qolishi ko`pincha osteoxondroz yoki qon quyilishi holatlarida kuzatiladi. Sizning vaziyatingizda to`liq tibbiy tekshiruvdan o`tish lozim. Magnit rezonans tomografiya tekshiruvi o`tkazilgach, bezovtalik omili aniq bo`lishi mumkin. Agar bu umurtqalararo churra bo`lmasa, uqalash usullari yordamiga suyanish mumkin.