Bolalikdagi xotiralar butun umrga tatiydi. Yangi yil archasining isi, berkitib qo`yilgan sovg`alarkichkintoy dunyoni anglashiga va shunday yoqimli qabul qilishiga yordam beruvchi bebaho onlardir. Aslida har bir ota-ona dilbandiga bunday daqiqalarni taqdim etish imkoniyatiga ega. Ozgina xohish bo`lsa kifoya. Quyidagi sizga kichkina «shpargalka»ni taqdim etamiz va umid qilamizki, yillar o`tgach, farzandlaringiz bayram dasturxoni atrofida o`tirib, o`z farzandlariga entikib bolalik xotiralarini so`zlab beradi.
Demak, bolangiz bilan birga quyidagilar qilib zavqlaning:
- Quyoshda ko`zgu aksini tushirib, «sho`xlik» qiling .
- Ekilgan urug` qanday o`sayotganini kuzating.
- Birga sirpanchiq uching.
- Yulduzlarga tikilib, ularning shaklini aniqlang.
- Yangi yil archasi uchun birgalikda bezaklar yasang.
- Oilaviy teatr tashkil qiling. Ehtimol bu soyalar tomoshasi yoki qo`g`irchoq spektakli bo`lar. Muhimi bu jarayon bolangizning hayolot olamini ham rivojlantiradi.
- Ularga haqiqiy chayla yasab bering. Aminmizki, kichkintoylar kelganlarga bu haqda gapiravaerib aslo charchashmaydi.
- havo issiq kunlarda chelaklarga suv to`ldirib, dengiz jangi tashkil eting.
- Ruchkani boshingizga ishqalab maydalangan qog`ozlarni yopishtirib ko`zboylag`ichlik qiling.
- Kuz chog`i daraxtni silkitib, bargli yomg`ir yog`diring.
- Bulutlarni tomosha qilib, shakli nimaga o`xshashligini o`ylab toping.
- Qorda yotib, tana bilan shakl yoki qor odam yasang .
- O`g`ilingiz bilan xech bo`lmaganda taxtadan stol yasang, qizlar bilan esa somsa tuging.
- Doshqozonda taom tayyorlaganda kartoshka, yong`oq pishiring.
- Birgalikda varrak uchiring.
- Sham yorug`ida yoki gulxan atrofida hikoya va qiziqarli ertaklar to`qib bering.
- Bir piyola ichimlikdan «vulqon» toshiring.
- Momaqaymoqlarni puflang.
- Shampunni ko`pirtirib pufak shishiring.
- Atrofni, quyoshni rangli shishalarda tomosha qiling.
- Terlagan oynada rasm chizing.
Foto: tuvakda o`sib chiqayotgan gulni tomosha qilish
Foto: birgalikda biror nima yasayotgan ota-ona
Foto: listopad deb bering. Barglarni ushlab olib o`ynayotan bolalar
Manba: “SUG‘DIYONA” gazetasi
