Surxondaryo viloyati Sho`rchi tumanidagi «Mo`min tekstil» mas`uliyati cheklangan jamiyatida yuqori sifatli ip-kalava ishlab chiqarish yo`lga qo`yildi, deb xabar qiladi viloyat hokimligining matbuot xizmati.
Loyihaning umumiy qiymati 5,6 mln dollarni tashkil etadi. 2,9 gektar maydonda bunyod etilgan mazkur korxonada yiliga 3 ming tonna ip-kalava ishlab chiqarib, mahsulotlar to`liq eksportga yo`naltirilishi belgilangan.
Germaniyaning “Rieter” kompaniyasi zamonaviy texnologik uskunalari va dastgohlari bilan jihozlangan korxonada mahalliy xomashyoni sifatli qayta ishlash, eksportga mo`ljallangan raqobatbardosh sanoat mahsulotlari ishlab chiqarishni ko`paytirishga alohida e`tibor qaratilmoqda.
