Ishbilarmon uy bekalari tajribasidan...
Zarur masalliqlar (8 kishilik): 350 gr. shokolad, 300 gr. shakar, 225 gr. sariyog`, 100 gr. pechene.
Tayyorlanishi: 1. Shokoladni kichikroq qilb bo`laklang. Idishga ozgina qaynagan suv solib, shokolad bo`laklarini ham qo`shing. Aralashtirib turgan holda past olovda qaynating. Keyin sariyog` bo`laklarini ham solib, aralashtiring. 3 daqiqacha past olovda tursin.
2. Tuxumni ko`pirtirib, shakar qo`shing. 5 daqiqa ko`pirtirib, shokoladli aralashmaga qo`shib, yaxshilab aralashtiring.
3. Pechenelarni maydalang-da, shokoladli aralashmaga solib, qoshiq yordamida ezing. Aralashmani pergament qog`oz solingan qolipga solib, 160 darajada qizdirilgan gaz pechiga 45 daqiqaga qo`ying. Pishgach, xohishingizga ko`ra yuzini maydalangan bodom bilan bezatish mumkin.
Tayyorlanish vaqti: 1 soatu 10 daqiqa.
Manba: «SUG‘DIYONA» gazetasi.
