Bir tadbirkor Afrikada ulkan olmos sotib olibdi. Olmos juda katta, tovuq tuxumi sarig`icha kelar ekan. Ammo xaridor olmosning ichi kattagina darz ketganini ko`rib, xafa bo`libdi. U olmosni zargarga ko`rsatgan ekan, zargar shunday debdi:
— Bu juda ajoyib olmos, agar uni o`rtasidagi darz bo`ylab teng ikkiga bo`la olsangiz, har biri shu olmosdan ikki barobar qimmat brilliantga aylanadi. Ammo agar bo`layotganda sal noto`g`ri harakat qilsangiz, tosh maydalanib ketadi va uni yarim bahosiga ham sota olmaysiz.
Tadbirkor toshni o`sha darz bo`ylab teng ikkiga bo`lib bera oladigan insonni qidira boshlabdi. Qaerga xizmat safariga bormasin, o`sha mamlakatdagi eng mohir zargar-ustalarga toshni bo`lib berish iltimosi bilan murojaat qilar ekan. Biroq bunga jur`at etadigan odam topilmadi. Oxiri u ish bilan Hindistonga kelibdi. U erdagi bir zargarga ham toshni ko`rsatibdi va muddaosini aytibdi. Shunda zargar nariroqda ishlab o`tirgan shogirdini chaqirib, toshni ichidagi darz bo`yicha teng ikkiga bo`lishni buyuribdi. Shogird hech ikkilanmay qo`lidagi bolg`asi bilan bir zarb uribdi-yu, olmosni teng ikkiga bo`libdi. Shogird o`z ishiga ketgach, tadbirkor hayratlanib zargardan so`rabdi:
— Dunyoning manaman degan mohir ustalari qila olmagan ishni bu shogirding qanday uddaladi?
— U toshning haqiqiy narxini bilmaydi, uni parchalab yuborsa, qanday yo`qotish ro`y berishidan ham bexabar. Shu sababli ishini ikkilanmay bajardi, qo`li titramadi, ehtiroslari junbishga kelmadi. Natijada ishini aniq bajardi.
Hayot oldimizga qo`yadigan jumboqlar, yo`limizdan chiqadigan qiyinchiliklarga qo`rqmay va ikkilanmay, oddiygina qarash, hech narsani murakkablashtirmaslik lozim. Vahimaga berilmay, sodda echimlarni izlash kerak.
Manba: «Sug'diyona» gazetasi
21.12.2017, 18:34
Qani endi bolangiz sizni hech javratmay o`zi yuz-qo`lini, tishlarini yuvsa, yotgan o`rnini yig`ishtirsa... Bu aksar ota-onalar uchun bir orzudek. Aslida, bolani ozodalikka o`rgatish qiyin ish...21.12.2017, 18:21
— 10 yoshli qizim juda arazchi. Sal gapga yig`laydi, xafa bo`ladi, ovqat emay qo`yadi. Uni ko`p erkalatishga ham qo`rqaman. Qanday munosabatda bo`lishga hayronman… Saida, Zangiota...21.12.2017, 18:16
Jiyanlar, dugonalarning, qo`shnilar va tanishlarning farzandlariga sovg`a tanlayotib, chalkashib ketmaslik uchun bolalarning yoshini inobatga oling. Masalan: 1-2 yoshli bolakaylar qo`g`irchoqlar, yumshoq o`yinchoqlar, kubiklar, suratli kitoblar,...21.12.2017, 18:16
Yangi yil — nafaqat bolalar, hatto kattalar ham niyatlari ijobat bo`lishiga ishonadigan ertakmonand bayram. Lekin u ayniqsa bolajonlarga katta quvonch ulashadi. Axir bu kunda ular...