Sevimli

2018 YILDA ChINGIZ AYTMATOV TAVALLUDINING 90 YILLIGI KENG NIShONLANADI

Madaniyat 28.12.2017, 10:45
2018 YILDA ChINGIZ AYTMATOV TAVALLUDINING 90 YILLIGI KENG NIShONLANADI

Qirg`iziston Respublikasining mamlakatimizdagi elchixonasida "2017 yilda O`zbekiston – Qirg`iziston hamkorligi hamda 2018 yilda ushbu aloqalarni yanada rivojlantirish istiqbollari" mavzuida brifing tashkil etildi.

Brifingda madaniy-gumanitar sohada ham ikki tomonlama hamkorlik munosabatlari o`rnatildi.

Joriy yilda Qirg`izistonda O`zbekiston madaniyati kunlari o`tkazildi. Qirg`iziston teatr ijodkorlari O`zbekistonga, o`zbekistonlik san`atkorlar Qirg`izistonga ijodiy safarlar uyushtirdi. Samarqandda bo`lib o`tgan «Sharq taronalari» xalqaro festivalida qirg`izistonlik san`at ustalari ikkinchi o`rinni qo`lga kiritdi.

Yaqinda Mirzo Ulug`bek nomidagi O`zbekiston Milliy universitetida «Chingiz Aytmatov va O`zbekiston» doimiy ekspozisiyasi ish boshladi.

Shuningdek, 2018 yilda yurtimizda Qirg`iziston madaniyati va san`ati kunlarini o`tkazish va Chingiz Aytmatov tavalludining 90 yilligini keng nishonlash rejalashtirildi.


Sharhlar