2013-2015 yillarda Xorazm viloyatida turizm sohasini rivojlantirish dasturi doirasida “O`zbekiston havo yo`llari” milliy aviakompaniyasi bir qator yangi reyslarni joriy etishni rejalashtirdi.
Podrobno nashrining «Jahon» axborot agentligiga tayanib xabar berishicha, 2015 yilning 25 martidan haftada bir marta Toshkent-Vena-Urganch-Toshkent yo`nalishida parvozlar amalga oshiriladi.
Shuningdek, keyingi yilning 19 aprelidan haftada ikki marotaba Toshkent–Parij–Urganch–Toshkent aviaparvozlari amalga oshiriladi. 2015 yilning 28 martidan esa har hafta Toshkent–Myunxen–Urganch–Toshkent reyslari bo`yicha parvozlar joriy etiladi.
