Tashrif XXRning O`zbekistondagi Favqulodda va muxtor elchisi janob Sun Liszening vakolat muddati tugashi bilan bog`liq.
O`zbekiston va Xitoy o`rtasidagi o`zaro manfaatli hamkorlikni rivojlantirish hamda mustahkamlashga katta hissa qo`shgan diplomat o`z yurtiga jo`nab ketish oldidan IIVga tashrif buyurish, ko`p yillik do`stlik aloqalari va samarali hamkorlik uchun samimiy minnatdorlik izhor etish istagini bildirgan.
Sun Liszening tashabbusi va sa`y-harakati bilan xizmat burchini o`tash vaqtida halok bo`lgan mamlakatimiz ichki ishlar xodimlarining oila a`zolari uchun Xitoyning diqqatga sazovor joylariga ekskursiya tashkil etildi.
