Murojaatlaringizga advokat Nafisa IBRAGIMOVA javob beradi. Eslatib o`tamiz, mutaxassis izohi tavsiyaviy xarakterga ega.
— «Qizingiz kasalmand, nuqul belim og`riyapti deydi. Bir ishga yaramaydi! Kerakmas menga bunday kelin!». Shu vajlar bilan qaynonasi qizimni qabul qilmayapti. Shifokorga ko`rsatdik, bolam soppa – sog`. Og`irroq yumush bajarganida ozroq beli og`rib qolgan ekan. Ammo qani endi meni eshitishsa... Kuyov ikki o`t orasida qolgan, «Onamning yuzidan o`tolmayman», deydi. Ajrimga bersa nima qilamiz? Axir, bir oygina yashashdi, o`rtada farzand ham yo`q. Osongina ajratib yuboraverishadimi?Ismi sir tutiladi
— Er-xotin o`rtasida voyaga etmagan farzand bo`lmasa, shuningdek, o`zaro nizo mavjud emasligida, nikoh FHDYo tomonidan bekor qilinishi mumkin. Ammo ajrimga ariza berilganida, albatta, har ikkala tomonning ham fikri inobatga olinadi.
