Kecha Evropa Chempionlar ligasi yarim finalining birinchi uchrashuvi bo`lib o`tdi.
“Barselona”ni musobaqadan chiqarib yuborgan “Atletiko” o`z maydonida Londonning “Chelsi” klubini qabul qildi. Qiziqarli kechgan uchrashuvda hisob ochilmadi - 0:0. Uchrashuvning 16-daqiqasida mehmonlar darvozaboni Petr Chex jarohat olib, maydonni tark etganini qayd etish lozim. Endi Chexni yakshanba kuni Angliya chempionati doirasidagi “Liverpul”ga qarshi kechadigan juda muhim uchrashuvda qatnashishi so`roq ostida turibdi.
Bugun ikkinchi yarim final uchrashuvi bo`lib o`tadi. “Real” o`z maydonida “Bavariya”ni qabul qiladi.
