Andijon viloyatida buyuk qomusiy olim, shoir va davlat arbobi Zahiriddin Muhammad Bobur tavalludining 535 yilligi keng nishonlandi.
Bog`ishamol dahasidagi Bog`i Bobur majmuasida chet ellardan tashrif buyurgan olimlar ishtirokida shoir ijodiga bag`ishlangan ilmiy konferensiya, Bobur nomli viloyat drama teatrida “Nazm va navo” kechasi o`tkazildi.
Andijon viloyati hokimligi shoh va sarkarda tavalludi kuni oldidan uning nomi bilan ataluvchi hiyobonda o`ziga xos tadbir tashkil qildi, deb yozadi "Andijonnoma" gazetasi.
O`nga yaqin Bobur siymosidagi aktyorlar uning g`azal va to`rtliklaridan namunalar o`qidilar.
Keng jamoatchilik yig`ilgan xiyobondagi fleshmobda ishtirok etgan viloyat hokimi Shuhratbek Abdurahmonov ham ushbu videorolik uchun shoir ruboiylaridan birini o`qidi.
Tadbirda ishtirok etgan yoshlar Bobur ruboiylaridan yod aytdilar.
