NATO Iroqda rasmiy Bag`dodning so`roviga binoan qoladi va mamlakat harbiy kuchlariga ko`mak berib boradi.
Al Sumaria telekanalining xabar berishicha, bu haqda shimoliy alyansning bosh kotibi Yens Stoltenberg arab mamlakatlari bo`ylab safari davomida ma`lum qilgan.
Bosh kotib Iroq parlamentining “Islom davlati” terrorchi guruhi to`liq engilganidan keyin xorijiy harbiylarning mamlakat hududida faoliyat olib borishiga aniq muddat belgilash talabidan bir necha kun o`tib bayonot berdi.
— Iroqning xohishiga binoan biz bu erdamiz, – dedi Stoltenberg. —Bizga bosh vazir Haydar al-Abadi bu haqda yozma murojaat qildi. Uning ta`kidlashicha, NATO respublikada “juda uzoq qolmaydi” va terror guruhlarini qayta jonlanishini oldini olish maqsadida Iroq qurolli kuchlarini tayyorlashda davom etadi.
Stoltenbergning aniqlik kiritishicha, qo`llab quvvatlash loyihalarida ishtirok etayotgan NATO mamlakatlari mahalliy harbiylarni minalardan tozalash va harbiy-dala xirurgiyasi yo`nalishida qayta tayyorgarlikdan o`tkazishga e`tibor qaratadi.