12 mart kuni O`zbekistonning Qozog`istondagi Favqulodda va muxtor elchisi etib tayinlangan Saidikram Niyazxodjaev Qozog`iston tashqi ishlar vaziri o`rinbosari G`alimjan Qoyshibaevga ishonch yorliqlari nusxasini topshirdi, deb xabar beradi TIV matbuot xizmati.
"Tegishli marosimdan so`ng elchi tashqi ishlar vaziri Qayrat Abdiraxmanov tomonidan qabul qilindi. Vazir S.Niyazxodjaevni yuqori lavozimga tayinlangani munosabati bilan tabrikladi va muvaffaqiyatlar tiladi", deyiladi vazirlik xabarida.
Bo`lib o`tgan suhbat davomida O`zbekiston-Qozog`iston munosabatlarining dolzarb masalalari muhokama qilingan.
