«Amerika ovozi» radiosi muxbiri Navbahor Imomova Vashingtondan O`zA uchun maxsus sharh tayyorladi. Jurnalist ushbu sharhda Afg`oniston masalalariga bag`ishlangan xalqaro konferensiyaga AQShning munosabati hamda Vashingtonning Afg`onistonga nisbatan siyosati haqida so`z yuritdi.
«Vashington nazarida bu tadbir, avvalo, Markaziy Osiyoda yangi davr boshlanganidan darak. Anjuman, shuningdek, O`zbekiston xalqaro hamjamiyatdagi o`rnini mustahkamlashga bel bog`laganini aks ettiradi. AQSh Markaziy Osiyo davlatlari Afg`oniston bilan hamkorlikni kuchaytirayotganidan mamnun», — deyiladi sharhda.
