“Yulduzlar jangi” fantastik franshizasining muxlislari Disney kinokompaniyasidan malika Leya roliga aktrisa Meril Stripni olishni talab qilishdi. Bu haqda Lenta.ru nashri yozmoqda.
Shu paytgacha franshizada qirolicha Leyaning rolini o`ynab kelgan aktrisa Kerri Fisher 2016 yili vafot etgan edi. Endilikda uning o`rniga Meril Stripning nomzodi ko`rilishi talab etilmoqda.
Stripning aktyorlik mahorati va Fisher bilan qalin dugona bo`lganligi “Yulduzlar jangi”ning to`qqizinchi qismida uning Leya roliga ideal nomzod bo`lishi ta`kidlanmoqda.
Meril Strip “Kramer Kramerga qarshi”, “Medison okrugi ko`priklari”, “Temir xotin” singari filmlarda g`aroyib rollarni ijro etgan.
