Bugun mashhur Gollivud aktyori kichik Robert Dauni 53 yoshini nishonlamoqda deb yozmoqda Segodnya.ua nashri.
Robert aktyorlik faoliyatini omadli kinokartinalardan (“Chaplin”) boshlagan bo`lsa-da, 90-yillarda unga omadsizliklar yog`iladi. Bu omadsizliklarning sababi giyohvand moddalar, ichkilikbozlik edi.
Shunday bo`lishiga qaramay, aktyor 2000-yillarga kelib o`zini qayta qo`lga oladi-da, hali egardan tushmaganini isbotlaydi. Aktyorlikning ikkinchi imkoniyatini u “Gotika”, “Havoyi o`pich” filmlaridan boshlaydi.
2008 yili Robert “Temir odam” filmida suratga tushib, jahonga mashhurlikka erishadi. Negaki g`ayrioddiy Toni Stark, aniqrog`i Temir odam ko`pchilik kinomuxlislarning ko`nglidan joy oladi. Shundan so`ng aktyor ushbu kinofranshizaning 8 ta kinokartinasida Toni Stark obrazida paydo bo`ladi.
Bugun Robert 53 yoshda, lekin unda yumor tuyg`usiyu hayotga muhabbati so`nganicha yo`q.
