Braziliyada davom etayotgan futbol bo`yicha jahon chempionati ishtirokchilari 2-tur uchrashuvlarini o`tkazishmoqda.
“A” va “B” guruhlarida 2-tur uchrashuvlari bo`lib o`tdi. “A” guruhida Kamerun hamda Xorvatiya terma jamoalari uchrashuvida epropaliklari yirik 4:0 hisobida g`alaba qozonishdi. Uchrashuvda Olich 11, Perishich 48, Mandjukich 61 va 73 daqiqalarda gollar kiritishdi.
“B” guruhida Gollandiya terma jamoasi qiyinchilik bilan Avstraliya ustidan 3:2 hisobida g`alaba qozondi.
Chili esa amaldagi jahon chempioni Ispaniyani musobaqadan chiqarib yubordi. Ushbu uchrashuvda 2:0 hisobida chililik futbolchilar ustun kelishdi. Uchrashuvning 20 daqiqada Vargas hamda 43 daqiqada Arangis kiritdi. Demak, “B” guruhidan Ispaniya hamda Avstraliya 3-turni o`tkazib uylariga qaytishadi. Chili hamda Gollandiya terma jamoalari nimchorak finalga yo`l olishdi.
Bugun 21:00 da Kolumbiya-Kot-d'Ivuar, 00:00 da Angliya-Urugvay hamda 03:00 da Yaponiya-Gresiya uchrashuvlari bo`lib o`tadi.