Бразилияда давом этаётган футбол бўйича жаҳон чемпионати иштирокчилари 2-тур учрашувларини ўтказишмоқда.
“А” ва “B” гуруҳларида 2-тур учрашувлари бўлиб ўтди. “А” гуруҳида Камерун ҳамда Хорватия терма жамоалари учрашувида епропаликлари йирик 4:0 ҳисобида ғалаба қозонишди. Учрашувда Олич 11, Перишич 48, Манджукич 61 ва 73 дақиқаларда голлар киритишди.
“B” гуруҳида Голландия терма жамоаси қийинчилик билан Австралия устидан 3:2 ҳисобида ғалаба қозонди.
Чили эса амалдаги жаҳон чемпиони Испанияни мусобақадан чиқариб юборди. Ушбу учрашувда 2:0 ҳисобида чилилик футболчилар устун келишди. Учрашувнинг 20 дақиқада Варгас ҳамда 43 дақиқада Арангис киритди. Демак, “B” гуруҳидан Испания ҳамда Австралия 3-турни ўтказиб уйларига қайтишади. Чили ҳамда Голландия терма жамоалари нимчорак финалга йўл олишди.
Бугун 21:00 да Колумбия-Кот-д'Ивуар, 00:00 да Англия-Уругвай ҳамда 03:00 да Япония-Греция учрашувлари бўлиб ўтади.