Angliyada yashovchi, autoimmun kasalligidan aziyat chekuvchi Jeyn Xardman tonggi This Time Next Year teleshousining jonli efirida xastalik oqibatida burnidan ajralganligini ko`rsatdi, deb xabar berdi Ria.ru nashri.
U granulematoz tufayli burnidan ajralganligini, shifokorlar magnitli, kosmetik protez burun yasab berganliklarini gapirib berdi va burnini “yulib oldi” va joyiga o`rnatib, buni tomoshabinlarga namoyish qildi.
Ayol bunday protez burunni taqib yurish uchun yuz suyagiga magnit o`rnatish operasiyasini boshdan kechirdi.
Vegener granulematozi juda tez avj oluvchi og`ir xastalik bo`lib, mayda va o`rta qon tomirlarini, kapillyarlarni, arteriyani, yuqori nafas yo`llarini, ko`zni, buyrakni, o`pkani va boshqa tana a`zolarini ishdan chiqaradi.
