Braziliyada davom etayotgan futbol bo`yicha jahon chempionati ishtirokchilari 3-tur uchrashuvlarini yakunlashmoqda.
Kecha nimchorak finalga chiqqan yana 4 ta jamoa nomi ma`lum bo`ldi. “F” guruhida Argentina yuz foizlik natija bilan guruh bosqichini yakunladi. Uchinchi turda Messi va uning jamoadoshlari Nigeriya ustidan 3:2 hisobida ustun kelishdi. Uchrashuvda Messi dubl qayd etganini ta`kidlash lozim. Hozirga kelib, Messi va Neymar hisobida 4 tadan gol mavjud.
Ushbu guruhdan ikkinchi o`rinni Nigeriya qo`lga kiritdi. Bosniya terma jamoasiga Eron ustidan qozonilgan g`alaba ham yordam bermadi - 3:1.
“E” guruhidan Fransiya va Shveysariya terma jamolari pley-off bosqichiga chiqishdi. Fransiya hamda Ekvador terma jamoasi o`rtasidagi uchrashuvda hisob ochilmadi – 0:0.
Shveysariya Gonduras terma jamoasini yirik 3:0 hisobida mag`lub etdi.
Nimchorak finalda Argentina Shveysariyaga, Fransiya esa Nigeriyaga terma jamoasiga qarshi maydonga tushadi.
Bugun 21:00 da Ravshan Ermatov boshqaradigan Germaniya-AQSh, Portugaliya-Gana, 01:00 da Rossiya-Jazoir hamda Belgiya-Koreya terma jamoalari o`rtasidagi uchrashuvlar bo`lib o`tadi.
