Бразилияда давом этаётган футбол бўйича жаҳон чемпионати иштирокчилари 3-тур учрашувларини якунлашмоқда.
Кеча нимчорак финалга чиққан яна 4 та жамоа номи маълум бўлди. “F” гуруҳида Аргентина юз фоизлик натижа билан гуруҳ босқичини якунлади. Учинчи турда Месси ва унинг жамоадошлари Нигерия устидан 3:2 ҳисобида устун келишди. Учрашувда Месси дубль қайд этганини таъкидлаш лозим. Ҳозирга келиб, Месси ва Неймар ҳисобида 4 тадан гол мавжуд.
Ушбу гуруҳдан иккинчи ўринни Нигерия қўлга киритди. Босния терма жамоасига Эрон устидан қозонилган ғалаба ҳам ёрдам бермади - 3:1.
“Е” гуруҳидан Франция ва Швейцария терма жамолари плей-офф босқичига чиқишди. Франция ҳамда Эквадор терма жамоаси ўртасидаги учрашувда ҳисоб очилмади – 0:0.
Швейцария Гондурас терма жамоасини йирик 3:0 ҳисобида мағлуб этди.
Нимчорак финалда Аргентина Швейцарияга, Франция эса Нигерияга терма жамоасига қарши майдонга тушади.
Бугун 21:00 да Равшан Эрматов бошқарадиган Германия-АҚШ, Португалия-Гана, 01:00 да Россия-Жазоир ҳамда Белгия-Корея терма жамоалари ўртасидаги учрашувлар бўлиб ўтади.