Fransiyaning Albi shahrida o`quvchining onasi maktabga pichoq bilan keldi va bolalar ko`z oldida farzandining 34 yoshli o`qituvchisini pichoqlab qo`ydi. Bu haqda “RIA Novosti” xabar beradi.
“Juma kuni tongda o`quvchilardan birining onasi pichoq bilan maktabga keldi va bolalar ko`z oldida o`qituvchiga pichoq bilan zarba berdi. Onaning harakati sabablarini tergov aniqlaydi”,-dedi prokuror Klod Deran. Birinchi tez yordam ko`rsatilganiga qaramay, o`qituvchi vafot etdi.
Fransiya ta`lim vazirining voqea joyiga tashrif buyurishi kutilmoqda.
“Ushbu voqea maktab ichi va atrofida zo`ravonlikka qarshi kurashish kerakligini yana bir bor isbotladi”,-dedi maxsus xizmat matbuot kotibi.
