Nyu-Delidagi besh yulduzli mehmonxona xodimi qimmat baho xatoga yo`l qo`ydi.
Xizmatchi mijozning mashinasini turargohga joylayotgan vaqtda urib olgan. Narxi 300 ming AQSh dollariga teng bo`lgan Lamborghini Gallardo Spyder avtomobilini ta`mirga muhtoj holatga keldi.
O`tgan haftada sodir bo`lgan voqeani mehmonxona kuzatuv kameralari yozib oldi.
Mehmonxona xodimi boshqaruvni yo`qotib, turargohda turgan avtomobilga kelib uriladi va u boshqa bir avtomobilga borib uriladi.
The Times Of India nashrining yozishicha, qimmat baho avtomobilga jiddiy zarar etmagan. Mehmonxona xodimi esa o`sha kunning o`zida shifoxonadan chiqqan.
Ma`lum bo`lishicha, avtomobil qurilish biznes bilan shug`ullanuvchi Obid Faet Maxammad Kxatri ismli shaxsga tegishli bo`lgan.
Avtomobilga etgan zararni qoplash maqsadida mehmonxona va uning Arun Kumar ismli xodimiga nisbatan jinoiy ish ochildi. Odatda avtomobilning ta`miri yangisiga nisbatan arzonroqqa tushadi. Ammo, uni ta`mirlash uchun mashinani Evropaga olib borish kerak bo`ladi. Bu esa o`z navbatida xarajatni ikki barovarga qimmatlashtiradi. Xabar qilinishicha, avtomobilni ta`mirlash 300 ming AQSh dollariga tushadi.
