Braziliyaning Globoesporte nashri Argentina delegasiyasining final oldidan qilgan harakatlarini tanqid ostiga oldi.
Braziliya matbuoti xabarlariga ko`ra, Argentina terma jamoasi shtabi ma`muriyati a`zolari Germaniyaga qarshi uchrashuvni italiyalik Nikola Rissoli boshqarishini talab qilishgan. Shu bilan birga, ular Braziliyadagi jahon chempionati ishtirokchilari qatorida eng yaxshi reytingga ega bo`lgan o`zbekistonlik Ravshan Ermatovni final uchrashuviga tayinlanishiga yo`l qo`yishmadi.
Germaniya terma jamoasi esa uchrashuvga o`zbekistonlik Ravshan Ermatov yoki shvesiyalik Erikssonni tayinlashni so`ragan.
Qiziqarli tomoni, bu Rissoli uchun JChda Argentina ishtirokidagi uchinchi uchrashuvni boshqargan bo`ladi. Bunga qadar, u argentinaliklar g`alaba qozongan Nigeriya va Belgiyaga qarshi uchrashuvlarini boshqargan.
