Shu kunlarda Evropaning ayrim hududlari tabiiy ofatlar qurshovida qolmoqda, deya xabar berdi 5-tv.ru nashri.
Xususan, Italiyada vaziyat ancha og`ir. Yog`ingarchilik tufayli kelib chiqqan toshqinlar shaharlarni yuvib ketayotgan bo`lsa, shiddatli bo`ron vayronagarchiliklarga olib kelmoqda. Ofat tufayli qurbon bo`lganlar soni esa 17 nafarga etdi. Ularning aksariyati qulagan daraxtlar ostida qolib ketgan. Alto Adije va Sisiliya, Venesiya va Veneto viloyatlarida xavfning qizil darajasi e`lon qilindi.
