AQSh prezidenti Donald Trampning qizi va maslahatchisi Ivanka Tramp federal hujjatlarni yuritish qoidalarini qo`pol tarzda buzib, ish yozishmalari uchun shaxsiy pochtasidan foydalangan, deb xabar qildi Segodnya nashri.
Ivanka shaxsiy pochta manzilidan foydalanib, o`z yordamchilari va prezident ma`muriyati xodimlariga «yuzlab maktublar» yuborgan. Ta`kidlanishicha, ba`zi xodimlar AQSh prezidentining qizi tomonidan shaxsiy pochtadan yuborilgan maktublar hajmi va uning reaksiyasidan hayratga tushishgan. Ma`lumotlarga ko`ra, u Oq uyning yozishmalar bo`yicha qoidalari bilan tanish bo`lmagan.
