Aktyorlar Yigitali Mamajonov va Muqaddas Sa`dullaeva turmush qurdi. Bu haqda jurnalist Sardor Komilov ma`lumotiga asoslanib "Daryo" nashri ma`lum qildi.
Yigitali va Muqaddas qonuniy tarzda nikohdan o`tgan. Ular shuningdek farzand ham kutishmoqda.
Muqaddas Sa`dullaeva esa avvalgi turmushidan Sa`diya ismli qiz farzand ko`rgan. Aktrisa Instagram’dagi postlaridan birida «Hayotiy tajribamga ko`ra, insonlar birovning shaxsiy hayotiga ham aralashib turmushini buzib yuborishganigacha ko`rib guvoh bo`ldim. Shaxsiy hayot shaxsiyligicha, sirliligicha qolgani yaxshi! Oilamni bundan buyog`iga har qanday balo qazolardan uzoq tutaman», — deb yozgan edi.
Ushbu nikoh Yigitalining uchinchi, Muqaddas Sa`dullaevaning ikkinchi turmushi hisoblanadi. Yigitalining avvalgi nikohlaridan uch nafar farzandi bor.
