Ogohlantiruvchi xabarga ko`ra, abonentlarga “Pozvonite nam bstro, chtob podtverdit svoy vigrsh…” yoki “Zdravstvuyte, pozvonite mne srochno 002454056520” tarzidagi SMS-xabarlar kelmoqda. Kompaniya bunday holatda zinhor qayta qo`ng`iroq qilmaslikni va javob bermaslikni, shunchaki uni o`chirib tashlashni tavsiya qiladi.
Firibgarlarning harakatlari natijasida abonent shaxsiy ma`lumotlarini, pul mablag`larini yo`qotishi, kompyuter yoki mobil moslamasiga zararli dasturni yuklab olishi, shuningdek spam-sahifaga tushib qolishi mumkin.
Eslatib o`tamiz, bundan avval, o`zbekistonlik abonentlarga Ebola virusidan ogohlantiruvchi spam-xabar kela boshlagan edi.
Manba: uz.infocom.uz