2014 yilning 28 oktyabr kuni O`zbekiston Respublikasi tashqi ishlar vaziri Abdulaziz Komilov Latviya Respublikasi Tashqi ishlar vazirligi Davlat kotibi Andreys Pildegovichsni qabul qildi.
Latviya Davlat kotibi Urganch shahrida o`z ishini boshlagan “Orol dengizi mintaqasidagi ekologik ofat oqibatlarini yumshatish bo`yicha hamkorlikni rivojlantirish” xalqaro konferensiyasida ishtirok etish uchun yurtimizga tashrif buyurgan.
Suhbat chog`ida O`zbekiston-Latviya hamkorligining holati va istiqbollari ko`rib chiqildi. Ikki tomon ham siyosiy, savdo-iqtisodiy, sarmoyaviy, transport-kommunikasiya va boshqa sohalardagi o`zaro manfaatli aloqalarni rivojlantirishdan manfaatdor ekanliklarini ta`kidlab o`tildi.
Tomonlar 2015-yilning birinchi yarmida bo`lajak Evropa Ittifoqiga Latviya raisligini inobatga olib, mintaqaviy va xalqaro muammolar yuzasidan fikr almashdilar.
Suhbatda Latviya Elchisi Edgars Bondars ishtirok etdi, deya xabar beradi mfa.uz sayti.
