Iroqning Karbalo shahrida Ashuro kunini nishonlanishi vaqtida yuz bergan tirbandlik oqibatida 31 kishi halok bo`ldi. Bu haqda Euronews.com nashri xabar berdi.
Shuningdek, 100 ga yaqin odam jarohat olgan. Iroq sog`liqni saqlash vazirligi 16 kishining halok bo`lganini tasdiqlagan. Ma`lumotlarga ko`ra, Ashuro kuni nishonlanishi vaqtida piyodalar o`tish joyi unda bir vaqtda ko`p odam to`plangani sababli qulab tushgan.
Ayni kunlarda musulmon olami, jumladan iroqlik shialar Ashuro kunini nishonlashmoqda. Shialarda ushbu kunda Karbalo yaqinida 680 yilda yuz bergan jang xotirlanadi. O`sha jangda Muhammad payg`ambarimizning (s.a.v.) nabiralari imom Husayn, uning ukasi Abbos va ularning 70 nafarga yaqin safdoshi o`ldirilgan.
