— Yoshim 56 da. 1980 yildan 1984 yilgacha, 1986 yildan 1988 yilgacha jinoyat sodir etib qamalganman. 18 yoshga to`lgunimga qadar koloniyada to`rxalta, so`ng tikuv sexida ish qo`lqopi to`qiganman. 1986 yildan 1988 yilga qadar g`isht zavodida ishlaganman, vagondan g`isht tushirib taxlardim. Toshkent truba zavodida 8 yillik ish stajim bor. Shu ishlagan yillarim ish stajiga kiritiladimi? 10 yil oldin temiryo`l sohasida 24 va 12 foiz zararli sexda 3 yarim yil ishlaganman. Bu bo`yicha ham imtiyoz bormi?
Anvar Badalov, Toshkent viloyati Yuqori Chirchiq tumani
Farrux SULAYMONOV, Pensiya jamg`armasining ijro etuvchi apparati bo`lim boshlig`i o`rinbosari:
— 2019 yil 1 yanvarga qadar bo`lgan davr uchun faoliyat turi, mulk va xo` jalik yuritish shakllaridan qat`i nazar, xodim davlat tomonidan ijtimoiy sug`urtalangan holda bajargan har qanday ish, agar u Moliya vazirligi huzuridagi Byudjetdan tashqari Pensiya jamg`armasiga sug`urta badallari to`lagan bo`lsa ish stajiga qo`shib hisoblanadi.
Jinoyatijroiya kodeksi 96moddasiga asosan, ozodlikdan mahrum etishga hukm qilingan shaxslarning ish haqidan davlat ijtimoiy sug`urtasiga ajratmalar ajratilmaydi. Yuqoridagilardan kelib chiqqan holda mahkumlarni jazoni o`tash davri ish stajini hisoblashga inobatga olinmaydi.
Sadoqat ALLABERGANOVA