— 2016 yil 42 yil lik ish staji bilan pensiyaga chiqqanman. 1 mln. 178 ming so`m pensiya olaman. Hatto mahallada ishlaganlar men bilan teng pensiya olishadi. Pensiya jamg`armasidagilar “osh magan pensiyalar qayta hisob kitob qilinadi”, deyishgandi. Shu rostmi?
Imomali Ortiqov, Toshkent viloyati Angren shahri
Farrux SULAYMONOV, Moliya vazirligi huzuridagi Pensiya jamg`armasining ijro etuvchi apparati bo`lim boshlig`i o`rinbosari:
— O`zbekiston Respublikasi Prezidentining “Ish haqi, pensiya lar, stipendiyalar va nafaqalar miqdorini oshirish to`g`risida”gi Farmonlariga muvofiq 2018 yilda pensiyalar va nafaqalar miqdorlari 2 marotaba oshirildi. Ushbu Farmonlardan kelib chiqqan holda sizning pensiyangiz miqdorlari ham oshirildi, ya`ni 2018 yilning 15 iyulidan 7 foizga (1 032 080 so`m), 2018 yil 1 noyabrdan 10 foizga (1 135 288) oshirildi. O`rnatilgan tartibda (ish joyi va Xalq banki orqali) to`lab berilgan.
Prezidentimizning 2018 yil 12 dekabrdagi “Fuqarolarning pensiya ta`minoti tizimi samaradorligini oshirish va pensionerlarni ijtimoiy qo`llabquvvatlashni kuchaytirishga oid qo`shimcha chora-tadbirlar to`g`risida”gi PF5597son Farmonida 2019 yil 1 yanvardan pensiyani hisobkitob qilish uchun ish haqining maksimal miqdorini eng kam oylik ish haqining 10 barobarigacha oshirish va pensiyalar miqdori qayta hisoblash belgilandi. Ushbu Farmon talabidan kelib chiqan holda 2019 yil 1 yanvardan pensiyangiz miqdori 1.178.572 so`mni tashkil etgan.
Prezidentimizning navbatdagi Farmoniga muvofiq 2019 yilning 1 avgustidan pensiyalar va nafaqalar miqdori 1,1 baravar oshirildi va sizning pensiyangiz miqdori 1.296.429 so`mni tashkil etdi.
Sadoqat ALLABERGANOVA
