Londonliklar bosh murabbiyi Maurisio Pochettino jamoa bilan salbiy natijalar qayd etayotganiga qaramay rahbariyat unga ishonishda davom etmoqda, deya xabar bermoqda Daily Mail nashri
“Shporlar” ustozi klub bilan APLning 8-turiga kelib, 3 g`alaba, 3 durang va ikki mag`lubiyat qayd etdi va to`qqizinchi o`rinda bormoqda. EChLning oxirgi o`yinda esa o`z darvozasidan muxlislari qarshisida 7 ta gol o`tkazib yubordi. Ammo ushbu natijalar murabbiyga bo`lgan qiziqishlarni cheklab qo`ygani yo`q. “Manchester Yunayted” va “Real Madrid” rahbariyati Pochettinoni kuzatishda davom etmoqda.
Gap shundaki, agar madridliklar Zidanni iste`foga chiqaradigan bo`lsa, u holda fransiyalik mutaxassis “Tottenxem”da ish boshlashi va shundagina Pochchetino bilan londonliklar xayrlashishi mumkinligi aytilmoqda. Bundan tashqari ingliz klubi rahbariyatida Massimiliano Allegri va Joze Mourinyu variantlarini ko`rib chiqish ehtimoli ham yo`q emas.
