Davlat moliyaviy nazorati departamenti 2019 yilning 9 oyi davomida vazirliklar tizimlari tomonidan byudjet intizomini buzilish holatlari bo`yicha axborot berdi.
Ma`lumotga ko`ra, o`tgan 9 oy davomida Xalq ta`limi vazirligi tizimidagi muassasalari tomonidan byudjet intizomini buzish holatlari 18,9 mlrd.so`mni tashkil etib, 2018 yilning mos davriga nisbatan qonunbuzilish holatlari 9,8 mlrd.so`mga (2 marta) ko`paygan.
Shuningdek, Oliy va o`rta maxsus ta`limi vazirligi tizimi tashkilotlarida aniqlangan qonunbuzilish holatlari
12,1 mlrd.so`mni tashkil etib, 2018 yilning mos davriga nisbatan
10,4 mlrd.so`mga (7 marta), Maktabgacha ta`lim vazirligi tizimidagi muassasalarida aniqlangan qonunbuzilish holatlari 6,6 mlrd.so`mni tashkil etib, 2018 yilning mos davriga nisbatan
3,5 mlrd.so`mga (2 marta) ko`paygan.
Shu bilan birga, hisobot davrida Sog`liqni saqlash vazirligi muassasalarida aniqlangan qonunbuzilish holatlari 10,2 mlrd.so`mni tashkil etib, 2018 yilning mos davriga nisbatan (10,7 mlrd.so`m) kamaygan bo`lsada, yirik miqdorda qonunbuzilish holatlari saqlanib qolmoqda.
