Toshkentda avtomashina yuvish shahobchasi ishchisi mijozning mashinasini olib qochdi. Bu haqida darakchi.uz’ga Bosh prokuratura Matbuot xizmati rahbari Hayot Shamsutdinov ma`lum qildi.
Aniqlanishicha, 2019 yil 7 noyabr kuni A.R. o`zining “Lacetti” rusumli avtomashinasini Bektemir tumani, Ohangaron shoh ko`chasida joylashgan avtomobillarni yuvish shahobchasiga olib keladi. Biroq mazkur shahobcha ishchisi 1971 yilda tug`ilgan X.X. mashinani yuvib egasiga qaytarish o`rniga, uni olib qochib ketgan.
Ayni paytda mazkur holat yuzasidan 2019 yil 8 noyabr kuni tuman IIO FMB tomonidan JKning 267-moddasi 1-qismi bilan jinoyat ishi qo`zg`atilgan.
