Mustaqil Davlatlar Hamdo`stligi Parlamentlararo assambleyasi (MDH PA) Kengashi Raisining taklifiga binoan joriy yil 20-22 noyabr kunlari Tanzila Narbaeva rahbarligida O`zbekiston Respublikasi Oliy Majlisi delegasiyasi rasmiy tashrif bilan Sankt-Peterburg shahrida bo`ladi.
Tashrif doirasida delegasiya MDH PA Kengashining navbatdagi majlisida va MDH PAning elliginchi yalpi majlisida ishtirok etadi.
Shuningdek tashrif doirasida “Qishloq hududlarni barqaror rivojlantirish” davra suhbati majlisi bo`lib o`tadi. Mazkur tadbirda qishloq hududlarni barqaror rivojlantirish, bu sohada muvaffaqiyatli strategiyalar va dasturlarni amalga oshirish yuzasidan tajriba almashish masalalari ko`rib chiqadi.