“Paxtakor” safidagi o`yinlari bilan ko`pchilikka tanilgan yarim himoyachi Oybek Qilichev Eron chempionatida o`ynaydigan bo`ldi, deya xabar bermoqda poytaxtliklar rasmiy sayti.
O`tgan mavsumda "Paxtakor" safida mamlakat chempioniga aylangan Qilichev kuni kecha Eron chempionati ishtirokchisi "Paykon" klubi bilan 1,5 yillik shartnoma imzoladi. Futbolchiga Erondan taklif bildirilgani sababli ikki jamoa o`rtasidagi muzokaralardan keyin uning "Paykon"ga ko`chib o`tishi haqida qarorga kelindi.
Biz Qilichevga yangi jamoasida omad yor bo`lishini tilaymiz.