Bugun, 25 noyabr kuni O`zbekiston Respublikasi Oliy Majlisi Senati Kengashining majlisi bo`lib o`tdi.
Senat Raisi Tanzila Narbaeva olib borgan mazkur majlisda O`zbekiston Respublikasi Oliy Majlisi Senatining yigirma to`rtinchi yalpi majlisini joriy yil 30 noyabr kuni Toshkent shahrida chaqirish to`g`risida qaror qabul qilindi.
Yalpi majlisda dastavval mamlakatimiz tarixida ilk bor qabul qilingan “2020 yil uchun O`zbekiston Respublikasining Davlat byudjeti to`g`risida”gi O`zbekiston Respublikasi Qonuni muhokama qilinadi. Shuningdek, “O`zbekiston Respublikasi Vazirlar Mahkamasi to`g`risida”gi, “Volontyorlik faoliyati to`g`risida”gi, “Kasaba uyushmalari to`g`risida”gi O`zbekiston Respublikasi qonunlari ko`rib chiqiladi.
Yalpi majlis kun tartibi doirasida “Faol investisiyalar va ijtimoiy rivojlanish yili” Davlat dasturining 2019 yil uchinchi choragidagi ijrosi yuzasidan O`zbekiston Respublikasi Vazirlar Mahkamasining hisoboti eshitiladi.
Bundan tashqari, senatorlar tadbirkorlik sub`ektlarini tugatish tartibi takomillashtirilishi, bola huquqlarining kafolatlari yanada kuchaytirilishi munosabati bilan O`zbekiston Respublikasining ayrim qonun hujjatlariga o`zgartish va qo`shimchalar kiritishga qaratilgan qonunlarni ko`rib chiqadi.
Senat a`zolari tomonidan “1993 yil 22 yanvardagi Fuqarolik, oilaviy va jinoyat ishlari bo`yicha huquqiy yordam hamda huquqiy munosabatlar to`g`risidagi Konvensiyaga doir Bayonnomani (Moskva, 1997 yil 28 mart) ratifikasiya qilish haqida”gi O`zbekiston Respublikasi Qonuni ham muhokama qilinadi.
Shuningdek, Samarqand shahri va Samarqand tumani chegaralarini o`zgartirish hamda boshqa masalalar ko`rib chiqiladi.
Senatorlar Vazirlar Mahkamasiga davlat bojxona xizmati organlari tomonidan qonun hujjatlarining ijro etilishi holati, arzon uy-joy qurilishi, gaz, elektr ta`minoti bilan bog`liq parlament so`rovlari yuborish masalalarini ham muhokama qiladilar.
Oliy Majlis Senati qo`mitalari va devonining yigirma to`rtinchi yalpi majlisga tayyorgarlik ko`rish va uni o`tkazishga doir ishlarini muvofiqlashtirish maqsadida ishchi guruh tuzildi.
31.01.2023, 10:22
Jahongir Ortiqxo`jaevni Oliy Majlisi Senati a`zolari ro`yxatidan chiqarish to`g`risida Markaziy saylov komissiyasining qarori e`lon qilindi.Unga ko`ra, Toshkent shahridan saylangan O`zbekiston Respublikasi Oliy Majlisi Senati a`zosi...29.09.2022, 09:18
Oliy Majlis Senati Kengashi majlisida Reproduktiv salomatlikni saqlash, onalik va bolalikni muhofaza qilish bo`yicha amalga oshirilayotgan ishlar holatini o`rganish masalasi muhokama qilindi, deya xabar bermoqda...13.09.2022, 10:47
Bugun,13 sentyabr kuni, Toshkent shahrida Senatning majlislar zalida O`zbekiston Respublikasi Oliy Majlisi Senatining o`ttiz ikkinchi yalpi majlisi o`z ishini boshladi. Bu haqda Senat axborot xizmati...05.08.2022, 12:03
Senatning 29-yalpi majlisida Korrupsiyaga qarshi kurashish agentligi direktori Akmal Burxonov O`zbekistonda korrupsiyaga qarshi kurashish to`g`risidagi milliy ma`ruzasi bahs-munozaraga aylanib ketdi.Agentlik rahbarining so`zlariga ko`ra, korrupsiyaga oid...