Endilikda jahonga mashxur futbolchi Krishtianu Ronaldu faqat futbol bilan emas, dizaynerlik bilan ham shug`ullanadigan ko`rinadi. Avvaliga u CR7 by Cristiano Ronaldo brendi ostidagi kiyimlarni namoyish qilgandi. Endi esa futbolchi erkaklar oyoq kiyimlari to`plamiga dizaynerlik qildi va uni omma e`tiboriga o`ziga hos reklama roligi yordamida namoyish qildi.
“Oyoqlarim mening “ish qurolim”. Shunday ekan, men o`zim uchun eng sifatli oyoq kiyimni tanlayman va aynan shundayini boshqalarga ham tavsiya qilaman” deydi Krishtianu. Futbolchining ushbu istagini amalga oshirishda Portugal Footwear kompaniyasi yaqindan ko`mak berdi.
