12 mart kuni Eronda koronavirusdan yana 75 kishi vafot etdi, deya xabar beradi sog`liqni saqlash vazirligi. Yaqin Sharqdagi virus eng yuqori darajada tarqalgan Eronda ayni paytgacha 429 kishi halok bo`ldi.
«Biz so`nggi 24 soat ichida 1,075 nafar kishida koronavirus borligini aniqladik. Bu bilan mamlakatda virusni yuqtirib olganlar soni 10,075 kishiga etdi. Qurbonlar soni esa 479 kishini tashkil qilmoqda” deydi Sog`liqni saqlash vazirligi vakili Kianush Jahanpur davlat televideniyasiga bergan intervyusida.
Ushbu kasallik Eronning yuqori lavozimli amaldorlari, siyosatchilari, ruhoniylari va inqilobiy qo`riqchilarning a`zolarini ham chetlab o`tmagan. Eronda birinchi infeksiya aniqlangan 19 fevraldan beri kamida etti nafar amaldor va siyosatchi vafot etdi.
Eronning rahbarlari maktablar va universitetlar yopilishiga hamda mamlakat bo`ylab diniy, madaniy va sport tadbirlarining to`xtatilishiga qaramay virus tarqalishining oldini olishda qiyinchiliklarga duch kelmoqda.
Eron rasmiylari bir necha bor odamlarni zarur bo`lmagan hollarda ko`chaga chiqmaslikka chaqirgan.
«Uydan chiqmang. Bozorlarga bormang. Siz ushbu maslahatimizga amal qilmay, bizning ishimizni yanada qiyinlashtiryapsiz «, dedi aholiga murojaat qilgan sog`liqni saqlash vaziri Said Namaki jonli efirda.
