“O`zbekneftgaz” AJ hamda Muborak neft va gaz qazib chiqarish boshqarmasining mutaxassislari tomonidan va boshqarmaning ichki imkoniyatlaridan foydalanilgan holda “Dengizko`l” siquv kompressor stansiyasida ta`mirlash ishlari olib borildi.
Ushbu siquv kompressor stansiyasining asosiy vazifasi “Dengizko`l” konidan yuqori oltingugurtli tabiiy gazni samarali qazib olinishiga erishish, shuningdek past bosimli quduqlardan kelayotgan tabiiy gazning bosimini oshirib, Muborak gazni qayta ishlash zavodiga etkazib berishdan iboratdir.
Buni amalga oshirish uchun “Dengizko`l” kompressor stansiyasi GPA-100 gaz haydash agregatida o`rnatilgan “Waukesha 16V275GL” rusumli gazoporshenli dvigatellarni tirsakli vali, moy saqlash karterlari, maxovik va dempferlar o`rnatilish joylari to`liq ko`zdan kechirildi va bir qancha turdagi zichlagichlar almashtirildi, silindr bloklariga gilzalar o`rnatildi, porshen va shatunlari yig`ilib, silindr bloklariga terildi, shatunlarning va tirsakli valning vkladishlari almashtirildi.
Shuningdek, ta`mirlash jarayonida bir qancha texnik jihatdan murakkab bo`lgan hisoblashlar o`tkazilib, sozlash ishlari olib borildi.
Qayta tiklash va ta`mirlash ishlari “O`zbekneftgaz” AJ va Muborak neft va gaz qazib chiqarish boshqarmasining mutaxassislari tomonidan amalga oshirildi va muvaffaqiyatli ishga qo`shib yuborildi.
Natijada GPA-100 gaz haydash agregatida reglament ishlarini bajarish va gaz haydash agregati favqulodda avariyali holatda to`xtab qolgan vaqtda, gaz qisqarishini oldini olish maqsadida qisqa muddatda ishga qo`shib yuborish uchun zaxira yaratildi.
Ma`lumot uchun: Bu siquv kompressor stansiyasida umumiy 4 dona gaz haydash agregatlari mavjud bo`lib, aynan ushbu agregatlar tabiiy gazning bosimi ko`tarish va Muborak gazni qayta ishlash zavodiga yuborish ishlarini bajaradi, shuningdek shuni alohida ta`kidlab o`tish joizki ularning atiga bittasining to`xtab qolishi sutkasiga 1,9 million kub metrga yaqin tabiiy gaz qazib olish hajmining qisqarishiga olib keladi.
"Dengizko`l" siquv kompressor stansiyasidagi barcha qurilmalar va jihozlar Amerika Qo`shma Shtatlarida ishlab chiqarilgan va 2009 yilda Italiyaning etakchi kompaniyalari bilan hamkorlikda, 2011 yilda ishga tushirilgan.
