Xitoyning Yunnan provinsiyasida yashovchi dehqon o`z tomorqasida og`irligi 15 kilogramm, uzunligi esa 1,2 metr bo`lgan dunyodagi eng katta sholg`omni etishtirdi, deya xabar beradi gazeta.ru The Daily Mail nashri ma`lumotlariga tayangan holda.
Mahalliy aholi vakillari ushbu sholg`omga “fat little girl” ya`ni “do`mboqqina kichkina qizcha” deb nom berishdi.
Sholg`omni etishtirgan dehqonning aytishicha, sabzavotning bu qadar kattalashib ketishini o`zi ham kutmagan. Chunki u hech qanday qo`shimcha o`g`itlar yoki mahsus dorilardan foydalanmagan. Sholg`omning urug`ini bozordan sotib olgan dehqon shunchaki, har kuni uni erinmasdan parvarish qilgani va sug`organini aytgan.