Ba`zi davlatlarda koronavirus tarqalishi keng ko`lamli tus olgan. Afsuski, xorijdagi fuqarolarimiz orasida ham ushbu kasallikka chalinish holatlari yuz bermoqda.Bu haqda Tashqi ishlar vazirligi Axborot xizmati rahbari Avazbek Xadjimetov ma`lumot berdi.
-O`zbekiston Respublikasi Tashqi ishlar vazirligi xorijdagi diplomatik vakolatxonalar va hamkorlar bilan birgalikda o`ziga yuklatilgan vazifalarni bajarishda davom etmoqda.
Jumladan, xorijdagi fuqarolarimiz bilan bog`liq vaziyat doimiy nazoratda bo`lib, ularga konsullik-huquqiy yordam berish davom ettirilmoqda.
Ma`lumki, ba`zi davlatlarda koronavirus tarqalishi keng ko`lamli tus olgan. Afsuski, xorijdagi fuqarolarimiz orasida ham ushbu kasallikka chalinish holatlari yuz bermoqda. Bizda mavjud ma`lumotlarga ko`ra, Avstriya (1), Armaniston (1), AQSh (10), BAA (1), Koreya Respublikasi (1), Pokiston (5), Rossiya (1), Tailand (1), Qozog`istonda (2) bo`lib turgan 23 nafar fuqarolarimizda ushbu kasallik aniqlangan, ulardan 3 nafari vafot etgan. Diplomatik vakolatxonalarimiz ushbu fuqarolarimiz va ularning yaqinlari bilan doimiy aloqada bo`lib turibdi va zarur konsullik-huquqiy yordam ko`rsatmoqda.
Shu o`rinda, xorijdagi barcha fuqarolarimizdan koronavirus tarqalishiga qarshi kurashish bo`yicha mahalliy hokimiyat talablariga to`liq rioya etish, jamoaviy tadbirlarda qatnashmaslik, gavjum joylarga tashrif buyurmaslik va barcha ehtiyot choralarini ko`rishni qat`iy so`raymiz.
Alohida qayd etish joizki, hozirgi sinovli damlarda xalqimizga xos mehr-muruvvat, saxovat kabi fazilatlar yanada ko`proq namoyon bo`lmoqda. Xususan, xorijdagi vatandoshlarimiz tomonidan «O`zbekiston mehr-shafqat va salomatlik» jamoat fondiga salmoqli mablag` ajratildi. Ularning bu kabi amallari uchun cheksiz minnatdorlik izhor etamiz.
Tashqi ishlar vazirligi tizimi xodimlari, mamlakatimizning xorijdagi barcha diplomatik vakolatxonalari ham ushbu xayrli ishga o`z hissalarini qo`shish maqsadida ish haqlarining bir qismini mazkur fondga beg`araz yordam tariqasida o`tkazdilar.
23.01.2023, 11:20
Jahon sog`liqni saqlash tashkilotining immunizasiya va vaksinasiya masalalari bo`yicha direktori Keyt O’Brayen koronavirusga qarshi emlash vositalari samaradorligi va xavfsizligi haqida bayonot berdi. Bu haqda SSV...
23.12.2022, 20:25
20 dekabr kuni bir kunda Xitoyda 37 million kishi koronavirus bilan kasallandi. Bu haqda Bloomberg agentligi Xitoy sog`liqni saqlash milliy komissiyasining yopiq yig`ilishiga tayanib xabar...
06.09.2022, 09:07
Yangi to`lqindagi koronavirus belgilari SARSga o`xshaydi va pnevmoniya va bronxit kamroq tarqalgan, deydi shifokorlar. Bu haqda "stopkoronavirus.rf" saytida xabar qilindi. Yangi to`lqinda COVID-19 ning oldini olish...
20.07.2022, 10:34
Kecha, 19 iyul kuni O`zbekistonda yana 70 nafardan ziyod kishida koronavirus aniqlandi, deya xabar bermoqda SSV matbuot xizmati. Shu bilan, 2022 yil 19 iyul holatiga ko`ra,...
